Asistiron ao Delegado do Goberno, o Pte. da Deputación e alcaldes dos concellos participantes.
Presentado en Entrimo o proxecto MIXTURANDO
O proxecto Mixturando, no que está implicado o GDR Limia Arnoia, “será unha ferramenta magnífica para afondar na economía verde e a sostibilidade”
O mirador do Pedreiriño, en Entrimo, acolleu esta tarde a presentación do proxecto Mixturando, no que están integrados os GDR Limia Arnoia, Terra de Auga do Condado Paradanta e o asturiano de Camin Real de la Mesa, e que que desenvolve novas estratexias de valoración do bosque mixto atlántico en Asturias e Galicia.
Tal e como explicou o presidente provincial na
presentación desta iniciativa, a súa importancia radica non só nesa
posibilidade de futuro, senón no amplo análise que é preciso para acometer este
proxecto que une esforzos e integra intereses comúns dos territorios: “A unión
é garantía de éxito, e a cooperación é a fórmula máxica para acadar este
obxectivo.”, sinalou Luis Menor, quen avanzou que Mixturando “será unha
ferramenta magnífica para afondar na economía verde e a sostibilidade”.
Por ultimo, o presidente da Deputación manifestou
os seus parabéns por esta acción colaborativa “que vén de dar un fruto tan
importante e cheo de futuro para o noso medio rural, que servirá de guía e
apoio para os concellos, “unha ferramenta de futuro ilusionante e innovadora
que de seguro suporá un antes e un despois para a provincia de Ourense”.
O
delegado do Goberno en Galicia, Pedro Blanco, subliñou hoxe en Entrimo a
importancia da dinamización socioeconómica do rural coa sustentabilidade como
eixo transversal, “xerando emprego de calidade, loitando contra o cambio
climático e protexendo a biodiversidade”.
O delegado aproveitou para poñer en valor e agradecer o traballo levado a cabo polas GDR, organismos que —segundo dixo— “traballan por mellorar a calidade de vida e o desenvolvemento do rural amosando un gran compromiso co futuro destes territorios”.